Фарматыўная айэнка (у Беларусі больш вядома як Актыўная Ацэнка) — тэхналогія навучання, заснаваная на якаснай зваротнай сувязі. Прызнаная найлепшай для паляпшэння матывацыі і вучнёўскіх дасягненняў, асабліва для тых, хто мае праблемы з вучобай. Актыўная Aцэнка эфектыўна рыхтуе маладых людзей вучыцца на працягу ўсяго жыцця, браць адказнасць за сваё навучанне, спрыяе развіццю ключавых кампетэнцый. АА паводле даследаванняў Джона Хэці займае адно з першых месцаў сярод усіх методык, якія павышаюць эфектыўнасць навучання.